بعد ما جبت الأى فون بصراحه جهاز ممتع لكن حسيت فى الأول انى محبوس نوعا ما فى حفرة أبل الشريره .. وذلك للأسباب الأتية
انت علشان تشتريه لازم تتوجه لمنافذ البيع المحدده والمشكله هنا ان أغلبنا متعود انه لما يحب يجيب موبايل بيذهب لأى محل يبيع موبايلات وبيلاقى عندة اللى عايزه وزياده .. أوعندك حل تانى انك تجيبه مستعمل
لما هاتيجى تشتريه هاتلاقية مقفول إلا للشبكة اللى هاتتعاقد معاها.. وده معناه انك لازم تشتغل بالشريحه اللى هاتجيبها من مقدم الخدمه زى موبينيل أو فودافون مثلا فى مصر فقط ولن تستطيع وضع أى شريحه أخرى فالجهاز حصرى لهذة الشريحه فقط .. ولكنك متاح لك أن تشترى الجهاز مفتوح لكل الشبكات ولكن ستدفع مقابل هذا زياده تعادل تقريبا فى مصر ألف جنيه أو أكثر.
وبعد ان تشتريه ستجد متجر أبل على الأنترنت هو ملازك الوحيد تقريبا للحصول على التطبيقات والألعاب والموسيقى وغير ذلك .. فليس متاح للمستخدم إلا ما يتاح فى متجر أبل .. وممكن فى نظر البعض ان يكون هذا الأمر ليس مشكله ولكن هذا يعد إحتكار فى وجه نظر بعض المبرمجين مما دفعهم لكسر حمايه الجهاز وتنزيل منصات لتحميل برامج أخرى مجانيه مثل سيديا وإنتليوس وسنو وغيرهم ..
لو اشتريت موديل أقل من أى فون 4 فى الغالب بيكون عليه نظام التشغيل أى أوه إس 3 .. وفى الحاله دى لازم تحدثه للنظام أى أوه إس 4 علشان فى برامج كتير مجانيه لا تعمل على نظام التشغيل 3 .. وده ممكن يكون مشكله للمبتدئيين.
بس بشكل مجمل ده نجاح مذهل لأبل فى تسويقها لمنتجاتها فبعد كل تضيق الخناق على المستهلك إلا ان جهاز الأى فون عليه طلب بشكل رهيب الفتره الفائته مع غلو سعرة ..
ونصيحه منى بعد تجربه الجيلبريك لا تقوم بعمل جيلبريك لجهازك إلا إذا كنت فى إحتياج فعلى لعمله.. ودعنى أقول لك لماذا يقوم مستخدمى الإى فون بالجيلبريك
تفعيل الشبكه إذا كان الجهاز مغلق لشبكه معينة
تنزيل برنامج سيديا أو البرامج الشبيهه
تنزيل الثيمث والخلفيات وتفعيل المالتى تاسك فى أجهزة الثرى جى أو الثرى جى اس
تنزيل البرامج المدفوعه ببلاش من خلال أب سينك (البرامج المستخدمة بهذة الطريقه يختلف أدائها وإستهلاكها للبطارية عن ما تستخدمها بشكل قانونى )ه
هذة هى الأسباب الأساسية لعمل الجيلبريك وهى فى نظرى ليست ضروريه إلا فى تفعيل الشبكة اذا كانت مغلقه لشبكة واحده أما باقى الأسباب فلا .. وبالنسبه للتطبيقات فكثير المجانى منها وستجد أغلب ما تحتاجه فى البرامج المجانية وأما إذا أردت الشراء فأغلبها سعره 1$ فقط وهناك أيام يكون فيها تخفيضات للبرامج الغاليه لتكون مجانية أو بسعر 1$ فقط وللأمانه فى البدايه ستدفع 15$ أو 20$ مثلا لشراء البرامج الأساسية ولكن بعد ذلك فسيكون الشراء على فترات متباعدههذة ملاحظاتى على الاي فون أحببت أشارككم اياها ولعل منكم من مستخدمى الأي فون من يرى أيضا بعض الملاحظات أو التعليقات أو حتى النصائح التى يحب أن يشارك بها.
ليست هناك تعليقات :
إرسال تعليق
تعليقك مهم ومشاركتك معتبره